- Is there for honest poverty, that hangs his head and a' that
The coward slave, we pass him by, we dare be poor for a' that
For a’ that and a’ that, our toils obscure and a’ that
The rank is but the guinea stamp, the man's the gowd for a’ that
- What tho’ on homely fare we dine, wear hodden gray and a' that
Gie fools their silk and knaves their wine, a man's a man for a' that
For a' that and a' that, their tinsel show and a’ that
The honest man, tho' e’er sae poor is king o' men for a' that
- Ye see yon birkie called a lord, who struts and stares and a' that
T'ho' hundreds worship at his word, he’s but a cuif for a' that
For a’ that and a’ that, his ribband star and a’ that
The man of independent mind, he looks and laughs at a' that
- A prince can make a belted knight, a marquis, duke and a’ that
But an honest man's above his might, good faith he keeps for a' that
For a’ that and a' that, their dignities and a’ that
The pith O' sense and pride o’ worth are higher rank than a’ that
- Then let us pray that come it may, as come it will for a’ that
That sense and worth o’ er a’ the earth shall win the fight for a' that
For a' that, for a’ that, it’s comin’ yet for a' that
That man to man the world o’ er shall brothers be for a’ that
Robert Burns
